Sancte Michael Archangele, defende nos in proelio; contra nequitiam et insidias diaboli esto praesidium. Imperet illi Deus, supplices deprecamur: tuque, Princeps militiae caelestis, Satanam aliosque spiritus malignos, qui ad perditionem animarum pervagantur in mundo, divina virtute,in infernum detrude.
Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.
Pater de caelis Deus,
R. miserere nobis.
Fili Redemptor mundi Deus, R.
Spiritus Sancte Deus, R.
Sancta Trinitas, unus Deus,
Sancta Maria, Regina Angelorum,
ora pro nobis.
Sancte Michael,
ora pro nobis.
Sapientiae divinae fons abundans,
Divini Verbi adorator perfectissime,
Quem gloria et honore Deus coronavit,
Caelestis exercitus princeps potentissime,
Trinitatis sanctissimae signifer,
Paradisi custos,
Dux et consolator populi Dei,
Splendor et fortitudo militantis Ecclesiae,
Honor et gaudium triumphantis Ecclesiae,
Lumen Angelorum,
Praesidium orthodoxi populi,
Sub signo Crucis militantium fortitudo,
Lux et spes animarum in agone mortis,
Auxilium tutissimum,
In adversitatibus nostris adiutorium,
Aeternarum sententiarum proclamator,
Consolator animarum in purgatorio languentium,
Sancte Michael, animas electorum post mortem suscipiens,
Sancte Michael, princeps noster,
Sancte Michael, defensor noster,
Agnus Dei, qui tollis peccata mundi,
R. parce nobis, Domine.
Agnus Dei, qui tollis peccata mundi,
R. exaudi nos, Domine.
Agnus Dei, qui tollis peccata mundi,
R. miserere nobis.
Ora pro nobis, Sancte Michael Archangele
R. Ut digni efficiamur promissionibus Christi.
Oremus.
Domine Iesu Christe, benedictione perpetua sanctifica nos, et concede, per intercessionem sancti Michaelis illam sapientiam quae doceat nos thesaurizare thesaurum in caelis, et pro temporalibus, aeterna bona eligere. Qui vivis et regnas in saecula saeculorum.
Amen
